Inapod ni Bise Presidente Sara Duterte na “dramatic actor” an saiyang ama na si dating Presidente Rodrigo Duterte.
Ini makalihis an pag-atendir kan dating presidente sa House quad-committee na nag-iimbestigar sa war on drugs kan dating presidente.
Tinawan pa ngani kaini an ama nin rating na 12 sa 10 bilang na “best dramatic actor”.
Dugang pa, Ipinaliwanag kan bise presidente na nagpasiring ini sa Kamara tanganing hilingon asin kumbinsiron an ama kun pwede na maghale na huli sa saiyang salud.
Nagkapirang beses naman na an saiyang ama dai nagdadangog sa saiyang mga kairiba asin ini mismo an pinapaapod tanganing agdahon an ama.
Enot nang pigsabi kan bise presidente na dae na ini naglalaom na magkaigwa nin patas na imbestigasyon sa mga ginigibo kan mga nasa Quad Committee.
