Nangapodan si VP Sara duterte sa publiko na ipagpadagos an pagpangapodan para sa pagbutas sa pwesto ni Presidente Ferdinand “Bongbong” Marcos Jr., mantang inakusaran an presenteng administrasyon nin sinasabing pang-aabuso sa kapangyarihan, korapsyon, asin paggamit kan mga institusyon kan gobyerno laban sa mga kritiko.
Sa naging pahayag kan bise presidente, tinawan-doon ni Duterte na mayong ebidensya an impeachment case laban saiya asin binatikos an Kongreso sa sinasabing paggamit kan kapangyarihan kaini tanganing maghanap sana nin maialos laban sa saiyang kampo.
Kinuwestiyon man kan Bise Presidente an pagkakakulong ki dating House Speaker Martin Romualdez katakod kan kontrobersyal na flood control scandal asin pig-akusaran an administrasyon nin harassment asin pagpurbar na patahimikon an mga senador asin kaalyadong nagtataram laban sa gobyerno.
Sinabi ni Duterte na dai siya pwedeng dai na sana maggirong mantang nahihiling an pagtios kan mga namamanwaan huli sa epekto kan pagbaha sagkod sa halangkaw na presyo kan barakalon, kaya pig-iinkaminar kaini an saiyang mga tagasuporta na padagos an paghiro para sa masunod na henerasyon.
Mientrastanto, marikas man na kinuwestiyon kan House prosecution panel an pampublikong pagngapodan kan Bise Presidente.
Segun ki Lanao del Sur Representative Zia Alonto Adiong, igwa nin malinaw na posibleng conflict of interest sa pagngapodan na ini huli ta si Duterte mismo an pangenot na makikinabang asin masalida sa pwesto kun sakaling magbaba sa pwesto an Presidente.
Kinontra man ni dating Surigao del Norte Representative Ace Barbers an pahayag kan Bise Presidente asin sinabing maski karapatan niyang ipahayag an saiyang opinyon, dapat pa man giraray kaining igalang an due process asin an mga legal na proseso sa mga kasong kinakahampang kaini.
Sa presente, ipinagpaoktaba kan Quezon City Regional Trial Court an nakatalaan na arraignment ni Duterte sa kasong grave threats mantang hinahalat an opisyal na komento kan Department of Justice katakod kan isinumitir na motion kan depensa.
Nagsayuma man an legal counsel kan Bise Presidente na ibuyagyag sa media an eksaktong laog kan nasambit na motion mantang nakabinbin pa ini sa korte.
