Pinili ni Bise Presidente Sara Duterte na dai ipapubliko kun sisay an magigin running mate niya sa maabot na nasyonal na eleksyon sa 2028.
Sa interbyu sa Bise Presidente sa Davao City, sinaysay kaini na may nakaolay na siya kan nakaaging taon na magin bise presidente niya sa 2028 elections, alagad dae pa suboot siya nakagibo nin desisyon manungod sa alok ni VP Sara.
Nanindugan an Bise Presidente na halaton ninda an saiyang kasimbagan sa saiyang imbitasyon asin dae na maggibo nin ano man na ribok tanganing maibitaran an sinabi niyang political attacks sa saindang posibleng tandem.
Apwera digdi, kinumpirmar man kan Bise Presidente na may apat na indibidwal na an nagdulok saiya para maging parte kan saiyang senatorial slate para sa maabot na pirilian.
Mientrastanto, dae man nagtao nin malinaw na kwalipikasyon an Bise Presidente para sa saiyang mga potensyal na kandidato sa pagkasenador.
