Nagpaabot man nin pakikidumamay si Vice Presidente Sara Duterte sa mga pamilya asin mahal sa buhay kan mga irido asin binawian nin buhay sa nangyaring car ramming attack sa pigkundusir na Lapu-Lapu festival kan Filipino community sa Vancouver, Canada kan nakalihis na aldaw nin Sabado, Abril 26 na nag gadan sa nasa 11 katao asin pagka irido kan kadaklan.
Sa sarong statement, kinondenar man kan Bise President an insidente na soboot pigtuyo o ‘deliberate assault’. Mayo soboot makakapag-justify sa pag-target sa mga festivalgoers na matrangkilong nagdaraos kan nasambitang event asin man dapat soboot mapanimbag an mga responsable sa irarom kan ley kan Canada.
Pinasalamatan man kan Bise Presidente an gobyerno nin Canada asin pig omaw an paglalapigot kan Embahada kan Pilipinas sa Ottawa asin Consulate General kan Pilipinas sa Vancouver para sa saindang pakikipagtabangan sa mga awtoridad sa Canada tangani masierto na makaka-resiber nin kaukulang tabang an kada Pinoy.
