Pigkuwestiyon ni Bise Presidente Sara Duterte an numero kan nasa 30,000 soboot na binawian nin buhay sa kampanya kontra droga na inilunsar ni dating Presidente Rodrigo Duterte.
Pigtawan duon man kaini na kaipuhan nin matibay na patunay o ebidensiya na nag susuporta sa nasambitan ng numero kan mga binawian nin buhay huli ta nagtitinir pa na dae kumbinsido an opisyal sa nasambitang mga alegasyon asin pighahagad man an konkretong datos tangani mapatotoohan an pigsasabing 30,000 death toll.
Sigun ki VP Sara, sa presente ay nasa 181 na ebidensiya pa sana an natatao asin naisusumiter kan prosekusyon sa International Criminal Court (ICC) katakod pa kan mga kaso nin soboot pag gadan sa drug war kun saen ay pighurot kaini na harayo soboot an numero na ini sa rinibong numero kan mga gadan na pigkonektar sa kampanya.
Dugang pa kan Bise Presidente, pano soboot mapatotoohan an sinasabing 30,000 biktima nin drug war kun mayo man nin naipapahiling na kumpletong listahan kan mga pangaran kan mga binawian nin buhay kung saen nakabase an numero na ini.
Pigtawan duon man kaini na sa presente ay dae pa soboot nag aabot sa 50 an kabilogan numero kan mga sigurado o nabibistong mga biktima.
Sa numero na ini, 43 pa sana soboot an kumpirmadong biktima na katampad man nin 43 counts of murder na iyong harayo pa man giraray sa pigsasabi sa mga report na 30,000 indibidwal na nagadan sa irarom kan administrayson.
