Posibleng maatubang nin multiple criminal charges si Bise Presidente Sara Duterte apwera sa disbarment complaint na may relasyon sa pagbanta kaini sa buhay ni Presidente Ferdinand Marcos Jr. asin First Lady Araneta-Marcos asin House Speaker Martin Romualdez.
Segun ki Justice Secretary Margarita Gutierrez, basado sa saindang legal experts, pwedeng sangatan nin libel, defamation asin grabeng pananakot an Bise Presidente huli kan saiyang mga banta.
Pig-aadalan suboot kaini ngonian an pagsangat nin disbarment laban sa Bise Presidente na sarong abogado huli ta pwede suboot na ikonsiderar na unethical an saiyang mga pagbabanta.
Pigsierto kan opisyal kan DOJ na madadakop tulos an paragadan sa oras na mabisto na ini kan mga imbestigador.
Katakod kaini, pig-instruksyon suboot kan DOJ an NBI na gamiton an gabos na available na resources tangani na mabisto an mga posibleng suspek sa assassination plot na pig-anunsyar ni VP Sara.
Marurumdoman na enot na pigsaysay ni VP Sara sa sarong press conference na nagtao suboot ini nin instruksyon sa sarong indibidwal na gadanon an Presidente, First Lady asin House Speaker enkaso na magadan ini.
