Pigbuyagyag ni dating Sen. Antonio Trillanes IV an posibilidad na masunadn nin plunder complaint si VP Sara Duterte.
Sigun ki Trillanes, naresebir sana kaini an nasambitan ng impormasyon gikan sa sarong importante tawo, asin posibleng ngunyan na semana isusunad na an nasambitan ng kaso sa Office of the Ombudsman.
Posibleng sa Biyernes, pormal na soboot isusunad ini sa Tanodbayan.
An reklamo an katakod pa man sa soboot maanomalyang paggamit ni VP Sara sa saiyang confidential asin intelligence fund, asin iba pang darakulang isyu sa Department of Education asin Office of the Vice President.
Sa ngunyan, dae pa pigluluwas kan dating senador kun anong grupo o kun sisay an masunad nin kaso kontra sa panduwang presidente.
Kun bebweltadahan an verified impeachment complaint kontra ki VP Sara na presente ngunyang naka-archive sa Senado, kaibahan an isyu dapit sa maanomalyang paggamit sa CIF sa mga rason kan graft and corruption komo basehan kan complaint.
