Sinaysay ni Vice President Sara Duterte na nakipagsabwatan soboot an administrasuon ni Presidente Ferdinand Marcos Jr. sa International Criminal Court (ICC) tanganing ipaaresto an saiyang ama na si dating Presidente Rodridgo Duterte, katakod kan kasong crimes against humanity na igwang kinaaraman sa saiyang ‘war on drugs’.
Sa saiyang patara-tara sa Free Duterte Now rally sa The Hague, pighurot ni VP Duterte na igwang political motives sa likod kan pagkakaarestar sa saiyang ama kan nakalihis na Marso 11 sa Pilipinas.
Sigun pa sa saiya, mayong bastanteng ebidensiya an pagkakakulong sa saiyang ama ss Scheveningen Prison sa The Hague asin an akusasyon soboot nin extrajudicial killings (EJK) an basado sa mga tsismis.
Nanindugan man ini na an ICC an nakikiaram sa gobyerno kan Pilipinas asin igwang sadiring “agenda” tanganing mamantinir an suporta asin pondo gikan sa ibang nasyon.
Mientrastanto, nagsayuma an ICC Spokesperson na si Fadi El Abdallah na magtao nin komento sa mga pahayag ni VP Duterte, asin pigtawan-duon na an ICC an ssrong judicial institution asin an anumang isyu an dapat idulog sa mga hukom kan korte.
Pig-akusaran mam ni Sara Duterte si Presidente Marcos na nagkukunwaring mabuot sa publiko.
Dugang pa kaini, mayo soboot ining nahihiling na matrayumpong proyekto kan presenteng administrasyon.
Padagos an pangapodan kan Panduwang Presidente para sa tulos na pagpapalibre asin pagbabalik sa nasyon kan saiyang ama, sabay pigtawan-duon an derechos kan mga Pilipino na magdesisyon sa saindang bayan.
