Naglunsar nin mahewasang hiro-protesta gikan sa manlaen-laen na nasyon komo pagrumdom sa sarong taon na pag-atake kan Hamas sa Israel.
Kadakol na mga protesters an nagpasiring sa tinampo kan Barcelona, Jakarta, Sydney asin iba tanganing kondinahon an pagkakagadan kan labi 1,200 katawo sa Israel.
Basado kayab sa nagkapirang opisyal kan United Nations na an nasambitan ng giyera sa pag-ultanan kan Israel asin Hamas an nakagadan na nin labi 40,000 katawo.
Nangenot man an Santo Papa sa pagpangadyi sa mga nagadan na biktima na pigsagibo sa Basilica of Saint Mary Major.
An mga namamanwaan kan Israel an nagsagibo man nin prayer vigil sa lugar kun saen pigsagibo an Nova Music Festival site.
Kaibahan sa nag-atender sa nasambitan ng lugar an mga kaparientes kan mga nagadan na biktima.
