Target kan Department of Social Welfare and Development na pahewason pa an “Walang Gutom Kitchen” food bank initiative kaini sa pirang mga probinsiya sa nasyon.
Sa sarong pulong balitaan ngunyan na Sabado, Enero 11, pigreport ni DSWD USec. Edu Punay na plano nindang maglatag nin mas kadakol na food bank sites sa mga lugar kun saen halangkaw an kapagtiosan.
Kabali sa mga pighihiling na probinsiya an Leyte asin Samar sa Visayas asin Bicol region sa Luzon. Kabali man an Bangsamoro Autonomous Region in Muslim Mindanao (BARMM) na natukoy na may pinakahalangkaw na antas kan kagutuman, malnutrisyon asin food poverty.
Marurumdoman na enot ng piglunsar an nasambitan ng program sa Metro Manila partikulamente na sa Nasdake Building, FB Harrison, Pasay City kan Disyembre 2024.
An Walang Gutom Program an inisyatibo kan gobierno asin pribadong sektor na obhetong masimbagan an involuntary hunger asin mabawasan an pag-aksaya kan pagkakan sa nasyon.
