Wanted person sa CamSur, arestado sa Pasay City

August 4, 2017 | 2:05 PM

NAGA CITY- Naarestar man kan mga kapulisan an sarong wanted person sa Camarines Sur sa pigkondusir na operasyon sa Pasay City.

Binisto an suspek na si Ernie Moraño, 45-anyos na residente kan barangay Paniman, Caramoan, Camarines Sur.

Naarestar si Moraño kan mga kapulisan sa lindong kan mandamiento de rekisa sa Electrical Road sa Pasay City.

Nahahampang an suspek sa kasong Homicide na igwang pigrerekomendar na pyansang maabot sa P40,000.

Nagtitinir na ngonyan sa kostudiya kan mga kapulisan an suspek para sa maninigong disposisyon.