NAGA CITY- Pigkakarkulong maabot sa P1 milyon an pigwalat na danyos sa nangyaring kasulo sa sarong warehouse sa Goa, Camarines Sur.
Sa entrevista kan Bombo Radyo Naga ki SFO3 Roger Moreno, hale sa BFP-Goa, sinaysay kaini na ala-1 nin mag-uumagahon kan magbungkaras an kasulo sa warehouse na pagsasadiri ni Mario Roy Pan, 47-anyos sa barangay Buyo sa nasambitang banwaan.
Nagpoon suboot an kalayo huli sa sinusulong basura sa kataid sana kan nasambitang warehouse.
Pigsasabing mga paroy, sako, bote nin softdrinks, tangke nin LGP asin container nin gasolina an laog kan nasulong edificio.
Apwera man sa warehouse, duwang motorsiklo man an nakadamay sa nangyaring kasulo.
Pigdeklarar na fire out na an kasulo nin alas-3:15 nin mag-uumagahon.
Sigon ki Moreno, pigkakarkulong maabot sa poko mas umenos P1 milyon an danyos na pigwalat kan nangyaring insidente.
