Masunad man nin countercharges an whistleblower na si Julie Patidongan o alyas “Totoy” kontra sa negosyanteng si Atong Ang na pig-aakusarang utak kan pagkawara kan mga sabungero.
Sigun ki Alyas Totoy, nakatalaan kaining isunad an saiyang countercharges sa maabot na lunes.
Digde saiyang ibebweltada o sisimbagon an mga reklamong piggagapo saiya ni Ang.
Naenot na man na nagsunad nin mga reklamo si Ang kontra ki Alyas Totoy na pig-akusaran kaining nagporbar na hagadan ini nin P300 million tanganing dae ini idawit sa pagkawara kan mga sabungero.
Naenot ng pigbuyagyag ni Patidongan na si Ang soboot an nagsugo kan paggadan sa mga sabungerong nahuring nagdaya sa mga kawat.
Maduon man na pinahimutikan ni Ang an nasambitan ng alegasyon kontra sa saiya asin sinaysay na peke asin mayong basehan ini na obhetong rauton an saiyang pangaran.
