Aram baya nindo mga ka bombo pigpahiling sa nagkapirang video asin audio na an nairehistrong mga kababalaghan.
Kaibahan digde an sarong video na sigun sa nagkua nangyari pasado alas 2:00 sa pigdadagusang boarding house.
Nagimata soboot ini huli sa boses kan babaeng naghihibi.
Kan saiyang hanapon an pinaggigikanan kan boses, nahiling kaini an babaeng nakaputi mantang nakatukaw sa ibabaw kan kama.
Sa ibong na lado igwang pigpahiling man na video na kua mantang nagha-hiking an duwang babae sa bulod.
Sa istorya kan mga ini, napansin soboot ninda na igwang anino na nakasunod sa sainda.
Mantang an sarong video na kua sa laog kan elevator, madadangog an boses kan babaeng “nag-hi,” na nagsimbag soboot makalihis na mag-hi an babae na nagkukua kan video.
May pigpahiling man na video na kua sa laog kan harong na mahihiling an paghiro kan pinto nin solo asin may gamit pang nagbagsak.
Sa ngunyan, mantang paparani an pag-obserbar kan Undas 2025, parte na an urulay kababalaghan sa mga pigtututukan sa presente.
