Pig-aprobahan kan mga kasaping nasyon kan World Health Organization (WHO) an sarong resolusyon na obhetong magkaigwa nin pangkinaban na kasunduan tanhaming gibuhong salbado an kinaban gikan sa mga pigkakahampang na pandemya.
An WHO Pandemic Agreement an resulta kan labi tolong taong negosasyon na pigpuonan kan nakalihis na COVID-19 pandemic tanganing simbagan an kakulangan asin dae pagkakapantay-pantay sa paglikay, pagpreparar asin pagsimbag sa pandemya.
Sinaysay ni WHO Director-General Dr. Tedros Adhanom Ghebreyesus na an kasunduan an mapakusog kan kooperasyon sa tahaw kan mga nasyon, internasyonal na organisasyon, pribadong sektor, asin iba pang stakeholder tanganing malikayan asin mapugolan an mga pandemya.
An bilog na World Health Assembly an madesisyon sa pinal na pag-aaproba kan kasunduan sa sarong plenary session ngunyan, Mayo 20, kasabay kan mga talumpatu gikan sa mga pamayo kan estado.
Pigtawan-duon ni Dr. Esperance Luvindao, head kan Committee A, na an kasunduan an sarong lakdang tanganing mas mapamarhay an pangkinaban na koordinasyon, proteksiyon sa mamamayan asin pagsimbag sa pandemya badado sa science asin ebidensiya.
