Wild na koala naglunad sa sarong bus sa siyudad kan Brisbane sa Australia

Aram baya nindo mga ka-bombo, sarong bus driver sa Brisbane, Australia an nakahiling sa sarong koala na basay-basay sa sarong sibot na tinampo asin dinara ini sa saiyang behikulo.

Sa social media post kan Koala Rescue Brisbane, an nasambitan ng bus driver nahiling an hayop sa Wiles Street sa Camp Hill.

Pigpurbaran soboot kan koala na magsakat sa sarong metal light pole kan maisalbar ini kan driver.

Alagad sigun man sa mga eksperto, labing peligroso an koala huli ta igwa ining matatarom na kuko, pwedeng mangagat asin dipisil na kaputan.

Huli kaini, pig-abiso kan mga eksperto na dae pagkaputan an hayop hasta sa dae mag-abot an rescuers.

Sa ngunyan, salbadong naibalik an Koala sa orihinal na istaran kaini sa kabubuludan.