Nagpakol na sa haros kabangang bilyong piso an naikurit na danyos sa sektor kan agrikultura asin imprastraktura huli sa nakalihis na bagyong Crising asin nag-iiral na habagat.
Basado sa iniluwas na datos kan National Disaster Risk Reduction and Management Council, nag-abot na ini sa labi P467-M.
Gikan sa nasambitan ng numero, mapakol sa P423 milyong an naikurit na danyos sa imprastraktura gikan sa Ilocos Region, Western Visayas asin MIMAROPA.
Nagwalat man nin danyos na labi P54 milyon kantidad an raot kan panahon sa sektor kan Agrikultura gikan sa limang rehiyon sa nasyon.
Ini an kinababalihan kan high value crops, fisheries, livestock asin poultry gikan sa parte kan Ilocos Region, Cagayan Valley, Central Luzon, MIMAROPA asin Negros Island Region.
Katakod kaini, maabot man sa 2,344 na mga paraoma asin parasira an apektado an kabuhayan huli sa maraot na kamugtakan kan panahon.
