Masirbing target sa maritime strike sa nagpapadagos na taunang Balikan exercise an decomissioned na World War II warship kan Philippine Navy.
Sa sarong statement, sinaysay kan Armed Forces of the Philippines (AFP na papakubugon an dating BRP Miguel Malvar na tatargeton kan mga assets gikan sa Philippine Air Force, US Air force, US Marine Corps asin Australian Defense Force na mapaluwas nin manlaen-laen na ordinance.
Ipinatindog an Miguel Malvar kan taong-1944 komo USS Brattleboro asin pigkomisyon kalaunan kan Philippine Navy komo corvette.
Na-decommission o hinali sa serbisyo gikan sa Philippine Navy an nasambitan ng barkong pandigma kan taong-2021, saro sa huring WWII-era warship.
Sa mga nakalihis na iterations kan Balikatan, isinagibo man an pagsasanay sa pagpapalubog kan decommissioned ships siring kan BRP Pangasinan kan 2023 na pinalubog makalihis tamaan an lumang corvette kan mga pinabagsak na bombo asin artillery rounds sa disputed waters.
Kan nakalihis na taon, ginamit komo target an dating BRP Lake Caliraya na sarong Chinese-built tanker.
