Pigtalaga na kan Palestinian militant group na Hamas an bago kaining lider makalihis bawian nin buhay an predecessor na si Ismail Haniyeh sa soboot piglunsar na strike kan Israel sa Iran.
Ini an pigpangaranan na si Yahya Sinwar, an top official kan Hamas sa Gaza na iyo man an mastermind o utak kan October 7 attacks sa katimugang parte kan Israel na nagin rason sa pagkagadan kan nasa labi 1,200 katawo asin pagkakabihag kan nasa 250 katawo.
Si Sinwar an sarong secretive figure na harani sa Iran na naglapigot nin pirang taon tanganing mapakusog an militar kan Hamas.
An pagkapili ki Sinwar an nahihiling na sarong senyales na preparado an Hamas na magpadagos sa pakikipaglaban sa nagpapadagos man na giyera kaini kontra sa Israel sa loob na nin 10 bulan asin makalihis an assassination ki Hamas leader Haniyeh.
Posibleng paagi soboot ini kan Hamas tanganing i-provoke an Israel. Sigun man ki Hamas spokesman Osama Hamdan, ipagpapadagos ni Sinwar an mga negosasyon katakod sa ceasefire.
Alagad magtitinir soboot an Hamas na pusog sa politika magin sa battlefield.
