Pigbubusol ni Parañaque 2nd District Rep. Brian Raymund Yamsuan an pagpasar kan House Bill No. 5241, na mapataw nin 6–12 taong pagkakakarsel asin ₱500,000 hasta ₱2 milyon na multa sa siisay man na tuyong nagpapakuriyat nin fake news na pwedeng makaraot sa kaayusan asin seguridad kan nasyon.
Sa pagdangog kan House Committee on Public Information, binilog an sarong Technical Working Group tanganing pagsaruon an HB 5241, HB 2697, asin 10 pang propwesto.
Kaiba man sa propwesto an magabat na padusa para sa mga nasa likod kan troll farms, bot networks, asin iba pang organisadong kampanya kan disinformation.
Patanid ni Yamsuan, an fake news an pwedeng “gamiton komo sandata” tangani manipulahon an publiko asin rauton an demokratikong proseso, orog na sa nararaning barangay elections kun saen pwedeng maglakop an AI-generated fake content asin deepfakes.
Mas magabat na padusa an ipapataw kun an disinformation an nakakaapektar sa national security, eleksyon, public health, o kun ini an ginibo kan public officials, journalists, o influencers na may dakulanng audience, pati na man kun igwa nin kinaramang dayuhang suporta.
Dae sakop kan padusa an satire, parody, opinyon, honest mistakes, asin news reporting na ginibo nin may marahay kahagadan asin tamang beripikasyon. Komo dating opisyal sa media affairs, pighurot ni Yamsuan na importante an matatag asin tapat na daluyan kan impormasyon tangani mamantinir an tiwala kan publiko asun kusugan an demokrasya.
Binanggit man kaini an mga salang report dapit sa soboot kanselasyon kan loan kan South Korea asin soboot data breach sa sarong fintech firm na halimbawa kan fake news na nakakaraot sa relasyon sa ibang nasyon asin kumpiyansa kan mga mamumuhunan.
