Posibleng arestaron kan Corruption Investigation Office (CIO) an na-impeach na si South Korean President Yoon Suk-Yeol sa aldaw nin Lunes, Enero 6.
Naenot na kayang nag-isyu an Seoul Western District Court nin detainment warrant laban ki Yoon kan nakalihis na aldaw kan Martes, Disyembre 31 asin may sarong semana an CIO for High Ranking Officials tangani na i-execute ini.
Inisyu an nasambitan ng warrant makalihis na magsayuma si Yoon na magatubang sa mga nagkapirang mga requests para sa questioning asin pag ulang soboot kaini sa paggalugad sa saiyang opisina na nagin balakid sa imbestigasyon tangani na matukoy kun an saiyang panandaliang deklarasyon kan martial law kan Disyembre 3 an maikokonsiderar na rebelyon.
Alagad ipinahiwatig ni CIO chief prosecutor Oh Dong-woon na posibleng i-deploy an police forces enkaso pugulan kan security service ni Yoon an detention attempt na pwedeng mangyari nin mas amay kan naklihis man na Huwebes.
Sa sarong mensahe man para sa gatos na supporters na nagtiripun-tipon sa luwas kan residence ni Pres. Yoon kan banggi kan Miyerkules, liwat ining nanindugan na malaban ini hasta sa huri laban sa pig aapod kaining “anti-state forces” na nagbalgar sa soberaniya asin nagbubugtak sa saindang nasyon sa peligro.
Pig-omaw man kaini an saiyang mga tagasuporta para sa saindang paglapigot para protehiran an malayang demokrasiya asin constitutional order kan saindang nasyon.
Naenot man na ikinatwiran kan abogado ni Yoon na invalid o mayong bisa an detainment warrant kan korte asin inihayag na mayong legal na awtoridad an anti-corruption agency para imbestigaran an rebellion charges laban ki Yoon.
Pig akusaran man kan kampo ni Yoon an korte kan pag-bypass sa ley na nagsasabi na an mga lugar na posibleng may koneksyon sa military secrets an dae pwedeng kumpiskaron o imbestigaran nin mayong consent o pagtugot kan person in-charge.
An CIO an nagengenot sa ikinasang joint investigation laban ki Yoon kun saen kaiba kan ahensiya an police asin military authorities.
