Nakapagrehistro nin panibagong record an Youtube sensation na si Jimmy Donaldson.
Si Donaldson o mas bistadong si “Mr Beast” an igwa na nin nasa 400 milyon subscribers sa saiyang YouTube channel.
Ini an kaenot-enoting indibidwal na nakakua kan nasambitan ng pagbisto.
Sa saiyang social media account nagpost ini nin ladawan kan makua an award na piggawad mismo ni YouTube CEO Neal Mohan.
Marurumduman, nabisto si Mr. Beast sa mga manlaen-laen na mga challenge kun saen igwang mga darakulang kantedad kan kwarta an premyo digde.
An nasambitan ng challenge an saro sa mga nagin rason kun tano orog pang naglangkaw an saiyang followers o subscribers sa saiyang social media account.
Sa ngunyan, pigpromesa na sana kaini na padagos na madara nin kaogmahan sa milyon-milyon na paradalan sa bilog na kinaban.
