Dapat magpuli na nin Pilipinas an dating kongresistang si Zaldy Co kun mawot kaining magtestigo sa impeachment complaint kontra ki Presidente Ferdinand “Bongbong” Marcos Jr.
Sigun ki Batangas Representative asin House Committee on Justice Chairperson Gerville Luistro, personal na kapuhang maghampang asin manumpa an sarong testigo sa hampang kan komite, susog sa mga panundunan kaini, kabali na an pagsusumiter nin mga affidavit.
Pigtawan duon pa ni Luistro, mayo sa rules kan komite an online appearance o panunumpa sa embahada kan Pilipinas sa luwas kan nasyon.
Dugang pa kaini, possible sanang magtindog na testigo si Co sa impeachment proceedings kun ini an preparadong magpuli nin nasyon asin personal na maghampang sa House Committee on Justice.
Marurumduman, pigsaysay ni dating Congressman Mike Defensor na nakapreparar soboot magtestigo si Co sa impeachment complaint na pigsunad ninda kontra ki Presidente Marcos Jr.
