Preparado soboot na magtestigo si dating Ako Bicol Party-list Rep. Zaldy Co sa impeachment complaint kontra ki Presidente Ferdinand Marcos Jr., sigun sa mga complainant.
Sinaysay ni dating Congressman Mike Defensor na bukas si Co na magin witness tanganing patibayon an reklamo.
Maski nasa ibang nasyon, pwede soboot ining magtestigo sa paagi kan teleconference.
Kaibahan soboot sa mga basehan kan impeachment an mga isyu sa national budget asin an soboot “kidnapping” asin pagkulong kan International Criminal Court ki dating Presidente Rodrigo Duterte sa The Hague, Netherlands.
Marurumduman si Co an nagsirbing chairman kan House Committee on Appropriations, alagad nagbutas kan nakalihis na Setyembre sa tahae kan pagkakaladkad kan saiyang pangaran sa imbestigasyon kan flood control anomaly.
Alagad, kalaunan inakusaran kan dating lehislador sinda Presidente Marcos asin dating Speaker Martin Romualdez nin bilyong pisong kickback, mga alegasyong pwedeng pinahimutikan kan kampo ninda PBBM asin Romualdez.
Dae inako kan Office of the Secretary General kan Kamara an reklamo kan nakalihis na Huwebes huli ta mayo soboot sa nasyon an Secretary General.
Huli digde, sinaysay ni Defensor na masunad sinda nin kaso kontra sa nasambitan ng opisina mantang pinag-aadalan an masunod na lakdang.
