Liwat nangapudan si Ukrainian President Volodymyr Zelensky sa mga kaalyadong nasyon kaini na rekasan an pagpapadara nin mga armas.
Kasunod ini sa nangyaring missile strike kan Russia sa banwaan kan Vilniansk sa southern Zaporizhzhia region na ikinagadan kan pitong katawo kabali na an mga kaakian asin ikinalugad kan 31 iba pa.
Pigsaysay kan opisyal na importante na rekasan an pagtatao nin armas huli sa pinapahigot kan Russia an saindang pag-atake sa Ukraine.
Sa pinakahuring atake, nagsapo nin dakulang danyos an nagkapirang edificio asin mga kaharongan.
Marurumduman, pirang pagkakataon man na nangapudan sa mga kaalyadong nasyon na magtao nin mga armas.
