Pig-anunsyar kan Department of Health (DOH) na palalawigin an zero-balance billing asin dae na sana ini limitado sa mga ospital na pigpapadalagan kan ahensiya.
Sigun ki Health Secretary Teodoro Herbosa, ini an kasunod kan pag-aprobar kan Senado sa dugang na pondo sa prosopwestong General Appropriations Bill.
Kun dagusang naaprubaran ini, gagamiton an dugang na P1 billion na pondo tanganing suportaran an mga level 3 na ospital na pagsasadiri kan mga lokal na gobyerno.
Sigun sa DOH, igwang mga kondisyon an pagpapautob kaini kaibahan an bastante na accreditation kan mga Rural Health Units sa PhilHealth YAKAP program asin sakop kan mga pasyente.
Dugang pa kan DOH, an pondo an ibabali sa populasyon, pasilidad, asin klase kan LGU, asin iluluwas sa paagi kan mga level 3 DOH hospitals sa rehiyon sa irarom kan sarong legal na kasunduan.
Sa ngunyan, labi sarong milyong Pilipino na an nakinabang sa zero-balance billing program.
