Aram baya nindo mga ka-bombo, sarong Uzbek Zookeeper an kalunos-lunos na binawian nin buhay makalihis na maglaog sa kulungan kan leon.
Basado sa report, sarong 44-anyos na si F. Iriskulov an nagtatrabaho nin night shift sa sarong pribadong zoo sa Parknet, Uzbekistan, kan magdesisyon ining pabilibon an saiyang nobya sa paagi kan pag-film sa saiyang sadiri na magpasiring sa kulungan kan mga leon tanganing hapluson an tolong darakulang african felines.
An halipot na clip na nakua gikan sa cellphone kan lalaki an nagpapahiling sa saiyang pagbukas sa hawla kan leon asin paglaog mantang nakikipag-ulay sa mga ini.
Sa sarong punto, an mga leon an nakatambay sa mga papag na gibo sa kahoy an nagin alerto asin nagrani sa tagabantay kan zoo na padagos na nagfi-film na garo mayong kamalay-malay sa peligro na piglaog kaini.
Naputol man an video kan nagkurahaw na si Iriskulov huli sa pag-atake kan nasmabitan ng hayop.
Sa kasamaang palad, binawian nin buhay si Iriskulov huli sa saiyang ginibo.
