Inihayag ni Senate Minority Leader Juan Miguel ”Migz” Zubiri an saiyang suporta sa dugang na pondo para sa Department of Agrarian Reform (DAR) para national budget kaini sa 2026.
Pig-omaw an ahensiya sa matrayumpo kaining pagheras kan daga asin suporta sa mga paraoma.
Sa pagdangog kan Senado dapit sa prosopwestong budget kan DAR, sinaysay ni Zubiri na karapat-dapat an departamento para sa tiwala kan mga paraoma huli sa consistent kaining mga piggibong serbisyo.
Puon Hulyo 2022 hasta Agosto 2025, nakapagheras an DAR nin labi sa 242,000 na mga titulo kan daga kasabay an pag-isyu kan labi 401,000 na debt condonation certificates, na nakapagpalaya sa 322,000 magsasaka gikan sa P41 billion na utang sa daga.
Apwera digde, naipatindog na man 213 irrigation system gikan sa 344 farm-to-market roads na sigun sa survey kan Commission on Audit (COA) kaidtong 2024 an nakatabang sa paglangkaw kan kita nin 93.65% kan mga paraoma sa Bukidnon.
Katakod kaini, enot nang pighagad kan DAR an P28 billion na pondo sa 2026, alagad na-aprubahan sana kan Department of Budget and Management (DBM) an P17 billion, na pwede soboot makaapektar sa mga programa kan ahensiya siring kan parcelization kan collective land titles.
Pigtuyaw man ni Zubiri an kakulangan kan pondo, orog na sa Bukidnon, asin nangapodan na dugangan an pondo kan DAR komo “Money well spent.”
