NAGA CITY- Gadan an sarong persona mantang irido man an saro pa makalihis an nangyaring aksidente sa barangay Balatas sa ciudad nin Naga.
Binisto an nagadan na si Mary Jane Cas, 23-anyos asin nairido man si Jason San Juan, 22-anyos.
Sa entrevista kan Bombo Radyo Naga ki barangay Balatas Capt. Pedro Allan San Juan, ama kan saro sa mga biktima, sinaysay kaini na naguyod pa an saiyang manugang na si Mary Jane makalihis na mabangga an nilulunadan nindang motorsiklo kan kotse na minamaneho ni Geovanni Keith Malenab, 18-anyos.
Marikas suboot an dalagan kan nasambitang kotse asin burat man an driver kaini.
Tulos man na ipigdalagan sa ospital an duwang lunad kan motorsiklo alagad pigdeklarar ng dead on arrival an backrider na si Mary Jane mantang irido man an Jason.
Sigon ki kapitan San Juan, susunadan niya nin maninigong kaso an nasambitang driver kan kotse na imbwelto sa aksidente.
