NAGA CITY – Gadan an saro katao mantang iridu an saro pa sa nangyaring pangbabadil sa San Isidro, Iriga City.
Binisto an nagadan na si Joseph Capucao, 31-anyos mantang iridu an kaibanan na si Edgar San Jose, 42-anyos.
Sa nakuang impormasyon kan Bombo Radyo Naga sa Camarines Sur Police Provincial Office (CSPPO), napag-araman na mantang lunad kan motorsiklo ang mga biktima na pigmamaneho ni San Jose kan bigla na sanang pagbabadilon kan dae pa nabibistong mga suspek.
Katakod kaini, nagsapo nin lugad sa manlaen laen na parte kan lawas an mga biktima na tulos man na idinalagan sa ospital alagad binawian na nin buhay si Capucao.
Sa ngunian, nagpapadagos pa ang imbestigasyon kan mga otoridad sa pangyayari.
