Nanggana nin Gintong Medalya an sarong estudyante gikan sa Philippine Science High School sa preliminary round kan sarong International English Olympiad, na nagtao saiya nin pwesto sa national finals.
Sa intrevista kan Bombo Radyo Naga kay Mary Esther T. Cale (Gold Award, Rank 2, Hippo International English Language Olympiad, Philippine Science High School – BRC in Camarines Sur), sinabi kaini na an saiyang kapangganahan sa saiyang pagkamoot sa tataramon na Ingles asin sa tabang kan mga sesyon nin pagrepaso kan eskwelahan.
Ini an ikaduwang taon na sunod-sunod na nakakua si Cale nin Gintong Medalya. Susog saiya, an pagsabot sa pagbasa asin gramatika iyo an mga mayor na parte kan eksaminasyon, na an paggamit kan tataramon mas masakit huli sa pagkamapag-ayon kaini. Sa ibong kan kakulangan nin panahon na mag-andam, napangganahan nia iyan paagi sa pagdusay.
Tinawan man kaini nin duon an importansya kan balanse sa paggamit kan Ingles asin Filipino bilang susi sa epektibong komunikasyon asin pag-uswag.
