NAGA CITY– Nagpaparahay pa an lima katao kaibanan na an duwang menor de edad makalihis maaksidente an piglulunadang jeep sa Barangay Camaysa, Tayabas City.
Sa nakuang impormasyon kan Bombo Radyo Naga, napag-araman na mantang binabagtas kan jeep na minamaneho ni Randy Largo Malate, 45-anyos an tinampo sa nasambitan ng lugar kan aksdienteng matanggal an saro sa mga rida kan behikulo.
Katakod kaini, nawaran nin kontrol an driver sa lunadan hasta sa nahagop kaini an saro pang jeep na minamaneho naman ni Allan Jaspeo Catuera antes dagos na nahulog sa umahan.
Nagsapo nin lugad sa manlaen laen na parte kan lawas si Malate asin an limang pasahero na tulos man na idinalagan sa ospital.
Alagad huli sa malalang tama sa lawas, idineklarar nang dead on arrival kan mga doktor an saro sa mga pasahero na binistong si Ederlyn Cauyan Malate, 47-anyos.
Sa ngunian, nagpapadagos pa an imbestigasyon kan mga otoridad dapit sa nasambitan ng insidente.
