Sarong tagasuporta kan kontrobersyal na si Kingdom of Jesus Christ (KOJC) founder Pastor Apollo Quiboloy an binawian nin buhay makalihis an atakihon sa puso kan salakayon kan mga awtoridad an compound kan nasambitan ng sekta kan relihiyon sa Davao City, kasuudma nin pagkaaga.
Sa inisyal na report ni Police Regional Office (PRO) 11 Director Brig. Gen. Nicolas Torre III, bandang alas-5:27 nin pagkaaga kan magsagibo nin raid an saniyang mga personahes sa KOJC compound sa Buhangin District ka siyudad.
An nagadan an miyembro kan KOJC na sarong 50-anyos na lalaki na inatake soboot sa puso kan isagibo kan mga operatiba kan pulisya an raid.
Nasa 2,000 pulis man an naglusob sa nasambitan ng compound kabali na an PNP Civil Disturbance Management Unit tanganing isirbi an warrant of arrest kontra ki Quiboloy. Si Quiboloy an igwa nin warrant of arrest sa kasong human trafficking asin sex trafficking asin igwa nin pirang bulan na mang pinaghahanap kan mga otoridad.
Mantang huli sa dakol kan mga naglusob na pulis ann nagkaigwa nin tensiyon sa pag-ultanan kan mga tagasunod ni Quiboloy asin kan raiding team.
Napag-araman na an large scale operation an tananing halughugon an nasambitan ng compound na igwa nin 42 gusali kun saen enot nang sinaysay ni Torre na nagtutubod ining dae pa nakakahali nin nasyon si Quiboloy. Si Quiboloy an igwa nin standing warrant of arrest mual sa Davao City asin Pasig City katakod kan kasong human trafficking, sexual abuse sa mga menor-de-edad asin kababayihan siringman an pangmamaltrato.
Apwera digdi, wanted man an pastor sa US Federal Bureau of Investigation sa kasong sex abuse asin human trafficking.
Marurumdoman, na enot nang nagsagibo nin raid an mga otoridad tanganing arestuhon si Quiboloy alagad dae ini nagtrayumpo kan Hunyo 10, 2024.
Apwera digdi, pigkuwestiyon man an raid kan NBI Region 11 nin huli ta moro-moro soboot ini o drama sana.
