Pig-isplikar kan sarong konsehal sa cuidad nin Naga na an social media saro sana sa mga bagay na pwedeng makaapektar sa gawe kan mga jovenes asin dai dapat ibilang na mayor na kawsa nin kadahasan.
Sa paghampang sa mga kagawad kan Media ni Naga City Councilor Gayle BAonal-Gomez, sinabi kaini na mas importante na magkaigwa nin tamang mekanismo tanganing ma-regulate an paggamit kan social media asin an mga impormasyon na ipinapalakop sa mga online platform.
Mientrastanto, sinambit man an proposal na i-flag an nagkapirang website na soboot nagtutulod nin grooming asin nag-eenkaminar sa mga jovenes na gumamit nin violence. Alagad, sinabi na kaipuhan ining hilingon nin mas mahiwas asin bako sana an pagtutok sa social media bilang problema.
Segun pa ki Abona-Gomez, an teknolohiya nagin nang dakulang parte kan buhay kan Gen Z. Huli kaini, an paghale kan saindang access sa social media asin iba pang digital na plataporma puedeng magcausa nin bagong mga problema.
Imbes na kumpletong pagbabawal, tinawan duon an pangangaipo para sa balanseng regulasyon kan paggamit kan social media asin mas maingat na pagbantay sa mga impormasyon na nahihiling asin ipinapakipag-ulay online.
