Naglakop an karahasan, looting, asin kasulo sa France matapos mag-escalate an mga protesta kontra sa naglalangkaw na gastos sa pamumuhay.
Ini nagresulta sa 1,200 na arestado asin 150 na pulis an nalugadan, kun sain sinabi ni Prime Minister Sebastien Lecornu na an karahasan igwa nin “extreme intensity”.
Dakulon na tindahan an pinanarasa sa mga mayor na syudad arog kan Paris, Marseille, asin Limoges, kun sain an sarong 140-anyos na town hall an haros naragba sa kasulo.
An karibokan nagsunod sa mga semana nin protesta kan mga estudyante asin darakulang martsa, na an mga partisipante tinantya sa pag-ultanan nin 550,000 asin 800,000 katawo.
Naggamit an pulis nin tear gas asin water cannon, asin sarong 17-anyos na lalaki sa Saint-Etienne an naputolan nin toong kamot huli sa sarong crowd-control grenade.
Kinondenar ni Presidente Emmanuel Macron an mga akto, na nagsasabing “those who carried out vandalism, attacked administrative offices or businesses, or carried out looting — even in our town halls, will be prosecuted and punished.”
