Piglalaomang dugang na 10,000 hasta 15,000 na pasahero an madagsa sa Ninoy Aquino International Airport (NAIA) sa Semana Santa, sigun sa Manila International Airport Authority (MIAA).
Sigun ki MIAA General Manager Eric Ines, nasa 135,000 an naikurit na average na numero kan mga pasahero kada aldaw sa nakalihis na duwang semana.
Nilinaw ni Ines na an projection kan MIAA an basado sa datos kan nakalihis na Semana Santa kan taong 2024.
Kan nakalihis na taon kaya, igwang 1,040,707 na pasahero sa NAIA an naikurit puon Palm Sunday hasta Easter Sunday, mas halangkaw ini nin 12 porsiyento kumparar sa 926, 775 na pasahero kan nakalihis na 2023.
Kan nakalihis na taong 2024 tuyong Semana Santa, naikurit kan NAIA an pinakahalangkaw na numero kan mga pasahero na nasa 139,894 kan Easter Sunday, mantang an pinakahababang tally an nasa 124, 230 kan nakalihis na Biyernes Santo.
