NAGA CITY- Salbado na an kamugtakan kan sampulong persona makalihis na maglubog an saindang piglulunadang baroto sa kadagatang sakop kan banwaan nin Caramoan, Camarines Sur.
Sa nagunong impormasyon kan Bombo Radyo Naga, napag-araman na pasiring kuta na sa Matucad Island an MB Camline lunad an walong turista asin duwang crew kaini tanganing mag-island hopping.
Kan makaabot suboot an baroto sa parte kan barangay Paniman kan tamaan ini nin makusog na hukol na nagresulta sa paglubog kan baroto.
Tulos man na nagresponde an mga kabuhan kan PNP Caramoan asin Philippine Coast Guard (PCG) kaya tulos man na narescue an nasambitang mga turista.
