12 na an binawian nin buhay sa naganap na mahewasang kasulo sa Turkey asin Cyrus kaibahan na digde an 10 bumbero asin duwang sibilyan kan nakalihis na huwebes sa tahaw kan naeeksperyensiyahang heatwave sa Mediterranean.
Sigun sa Turkish authorities, anom na magkakasuhay na kasulo an padagos na pigtutomtom kan mga bumbero, partikularmente na sa mga probinsiya kan Eskisehir, Afyonkarahisar, asin Bilecik.
Makukusog na duros asin matinding ini man an nagpalala sa sitwason kun saen labi 14 bumbero an irido, asin ribu-ribong residente man an pig-ebakwar.
Mientrastanto, sa Cyprus, duwang katawo an nanutarang gadan sa laog kan saindang lunadan makalihis na ma-trap sa kabundukan kan Limmasol.
Pigkakarkulong 124 square kilometers kan kagubatan na an natupok kan kalayo, nagkapirang nasyon man siring kan Jordan, Egypt, Spain, Greece, asin Israel an nagpadara nin tabang.
Sigun sa mga opisyal, dae pa sierto an rason kan kasulo alagad pig-iimbestigaran an posibilidad kan arson.
