Pighayag ni House Majority Leader Ilocos Norte Rep. Sandro Marcos Na 12 sa 48 prayoridad na prosopwesto ka Legislative-Executive Development Advisory Council (LEDAC) an naaprubahan na kan House of Representatives sa ikatolo asin pinal na pagbasa sa laog sana kan 22 session days.
Nagpuon an 20th Congress kan Hunyo 30, 2025.
Sigun ki Marcos, nakapasa an Kamara nin sarong pampabsang ley, an P6.793-trilyong 2026 General Appropriation Act (GAA), apwera pa sa 52 resolusyon asin 32 prosopwestong ley, kun saen 26 an pambasan asin anom an lokal.
Pigsaysay ni Marcos na pigpapahiling kan mga numero na ini an Kamara “trying to match the pace of the challenges facing the country” asin an mga prayoridad kan LEDAC an nagseserbeng gulugod kan reporma kan Kamara.
Sa kabilogang 48 LEDAC measures 12 prosopwesto an naipasar na ikatolo asin pinal na pagbasa; 5 prosopwesto an aprubado na sa komite asin pighahalat an opinyon kan appropriations asin ways and means; 15 prosopwesto an nasa antas kan technical working group asin deliberasyon kan komite; asin an natatadang 17 na prosopwesto an pag-uurulayan pa sa antas kan komite.
Kaibahan sa 12 LEDAC bills na naipasa an mga prosopwestong may kinaaraman sa reporma sa sektor kan enerhiya, waste-to-energy, serbisyong pangsalud para sa mga gurang, tabang sa estudyante asin paratukdo, AICS Act, Blue Economy Act, Department of Water Resources, asin pag-amyenda sa Bank Deposits Secrecy Law.
Dugang pa ni Marcos, an limang prosopwesto pighahalat pa an pagsusuri sa pondo na kinabibilangan kan modernisasyon kan Burau of Immigration, National Land Use Act, Independent People’s Commission, Presidential Merit Scholarship Program, asin amyenda sa Universal Access to Quality Tertiary Education Act.
