Aram baya nindo ka-Bombo, nakipagsanib-pwersa an serial Guinness World Record breaker na si David Rush sa 11 pang obrero sa tech company sa sarong trade show tanganing porbaran an titulo kan pinakadakol na lobong mamantinir na nasa ere sa laog nin sarong minuti mantang nakatindog.
Si Rush, na igwang kapot kan pinakadakol na sabay-sabay na titulo kan Guinness World Records, an nangenot sa 12 katawong koponan sa paghihingowa na mamantinir na dae magsayad sa salog an 25 lobo sa laog kan sarong minuto sa sarong trade show sa Salt Lake City.
Sigun sa serial record-breaker, an mga pagpoporbar na igwang kinaaraman sa grupo kan mga tawo an pira sabnga pinakamadaling record na mapasa, an siya man an pinakadipisil.
Nagtrayumpo an koponan na mamantinir na nasa ere an 25 lobo sa laog kan bilog na sarong minuto, na bastante tanganing makua an titulo.
An iba pang kabali kan koponan ni Rush iyo sina Walter Shumate, Amanda Hinchberger, Mark Hale, Joseph M. Sanchez, Ali Showkatian, Dennis Johnson, Christine David, Peter Aliano, Tyler Wine, Brian Farabaugh, asin Rick Spangler.
