Regular na isinasagawa kan City Population and Nutrition Office kan Naga City an 120-day feeding program para sa mga batang may malnutrisyon.
Sa intravesta kan Bombo Radyo Naga ki Joy Felix Macaraig, head kan City Population and Nutrition Office kan Naga City, tinalakay an programa na naglalayong matabangan an mga batang may kakulangan sa nutrisyon paagi sa pagtao nin masustansyang pagkaon sa laog kan 120 aldaw.
An programa kabali sa mga paghihingoa kan lokal na pamahalaan na mapakarhay an nutritional status kan mga kabataan asin masuportaran an saindang pagtubo asin kalusugan.
Mahalaga an padagos na pagtao nin masustansyang pagkaon sa mga batang nakakaeksperyensya nin malnutrisyon, kaiba an suporta kan mga magurang asin komunidad.
An nasabing programa nagpapahiling kan padagos na paghihingoa na atamanon an kalusugan asin nutrisyon kan mga kabataan sa Naga City.
