Mapadara an nasyon nin 136 athletes para sa 3rd Asian Youth Games, na nakatalaan sa October 22 to 31 sa Manama, Bahrain.
An mga Filipino athletes malaban nin 16 sa 23 sports sa nasambitan ng programa.
Magigin flag bearers kan koponan sinda Promising boxer Leo Mhar Lobrido asin an huben na volleyball star na si Harlyn Serneche sa parada kan mga nasyon sa opening ceremony sa Exhibition World Bahrain, susog sa Philippine Olympic Committee president Abraham “Bambol” Tolentino.
Sigun sa opisyal, malaag sinda nin compact team para sa promising athletes na may potensyal na magin future Olympic, world asin regional champions.
Nagtutubod pa ini na an 136 na mga atleta an mamayo asin magibo nin mga kanya-kanyang mga ngaran.
Mientrastanto, an Asian Youth Games an mga atletang nag eedad 14 to 17 anyos. Si Lobrido, na 16 anyos na man sa October 10, an nanggana nin gintong medalya sa boys’ 46-48 kgs division kan fourth Greater Bay Area Youth Boxing Challenge kan nakalihis na Disyembre sa Shenzhen City sa China, mantang si Serneche nagkawat man sa Nazareth High School of National University.
Si Ramon “Tats” Suzara, presidente kan Philippine National Volleyball Federation and Asian Volleyball Confederation, an magigin chef de mission sa Bahrain games. Nasa kabilugang 4,000 athletes gikan 45 Asian nations an piglalaoman na mapartisipar sa 223 events.
