Pormal ng pinunan an primerong edisyon kan Feria de Camarines kan DTI Camarines Sur featuring Delicioso sa Robinsons Place Naga, Naga City para sa taong 2026 na kun sain tampok an manlain -lain na produktong hatod kan 150 exhibitors na gikan pa sa manlain -lain na lugar kan probinsya.
Ini na na ikalimang taon kan Feria de Camarines Feat. Delicioso asin madurar ini hasta sa Lunes, Abril 27, 2026.
Sigon ki Dindo Nabol, an Regional Director kan DTI Bicol, obheto kan trade fair na matabangan an mga MSMEs na gikan sa Camsur na maipabisto asin maimarket an saindang mga produkto.
Mientrastanto, tinawan doon ni Nabol na importante an innovation sa mga produkto kan saradit na mga negosyante asin saro ini sa obheto kanDTI na padagos na tabangan an mga MSMEs sa pagcrear nin mga produktong tatangkilikon kan mga consumer.
Pig-inkamenar man ni Jay Percival Ablan AN Provincial Director kan DTI-Camsur an publiko na tangkilikon asin suportaran an local products orog na an mga gibo kan kapwa bikolano.
