Nagpakol na sa 158 na lugar sa bilog na nasyon an pigdeklarar na nasa irarom kan state of calamity huli sa bagyong Kristine.
Sigun sa National Disaster Risk Reduction and Management Council (NDRRMC) na pinakadakol an Bicol region na igwang 78 na lugar na pigsundan kan Calabarzon na igwang 63 asin Estern Visayas na igwang 13.
An mga probinsiya kan Albay, Camarines Sur, Camarines Norte asin Catanduanes siring man an Bulan sa Sorsogon an mga lugar na pinakahuring naideklarar an state of calamity.
Pigsaysay man ni NDRRMC spokesman Edgar Posadas na nagsasagibo pa man sinda nin mga validation sa totoong numero kan mga binawian nin buhay na enot na man na pigreport na nasa 100 na.
