17-anyos kritikal kan tamaan nin layas na bala; solterito niglalapag suboot kan operatiba sa Quezon
NAGA CITY- Kritikal an kamugtakan nin sarong 17-anyos na solterito makalihis na tamaan nin layas na bala sa Atimonan, Quezon.
Sa nakuang impormasyon kan Bombo Radyo Naga, napag-araman na kakaabot pa sana sa baybayon sa barangay Caridad Ibaba sa nasambitang banyaan an baroto na piglulunadang kan biktima na piglalapag kan mga kabuhan kan Perez PNP asin Bantay Dagat huli sa pagbalgar sa fisheries law kan bigla na sana ining tamaan nin layas na bala.
Nagsapo nin lugad sa saiyang payo an biktima na tulos man na pigdalagan sa ospital sa banwaan nin Atimonan alagad binalyo ini giraray sa sarong opistal sa ciudad nin Lucena.
Nagpapadagos pa man an imbestigasyon kan mga otoridad katakod kan pangyayari.
