Nasa 17 pang bulong an naidugan sa listahan kan mga produktong pangsalud na exempted sa value-added tax (VAT) na magin abot-kaya para sa mga Pinoy, sigun sa Food and Drug Administration (FDA).
Sa irarom kan FDA Advisory No. 2024-1618, na pinirmahan kan Nobyembre 22 ni Director General Samuel Zacate, pig-endorso kan FDA sa Bureau of Internal Revenue (BIR) an exemption gikan sa 12-percent VAT para sa walong bulong sa diabetes, apat na bulong para sa cancer asin tolo para sa mental illness.
Sa irarom kan panundonan kan Bureau of Internal Revenue, an huring VAT exemption, nagkabisa kan Nobyembre 25 kan isapubliko kan FDA an updated list.
Ini na an ika-anom na beses ngunyan na taon na nag-update an FDA nin listahan kan VAT-exempted medicines.
Sa irarom kan ley, an FDA dapat magtao nin updated list 30 aldaw antes an pagpupuon kan kada kwarter.
