Nagpakol na sa 18 katawo an binawian nin buhay makalihis an pigsagibong airstrike kan Israel sa sarong residential area sa Beirut an kapital kan Lebanon.
Sigun sa mga otoridad nasa 92 na man an irido na pigdara sa ospital.
Kadaklan sa mga nakaistar sa mga lugar soboot mga Shia Muslims na pig-uugnay kan Israel sa mga Hezbollah.
Piglalaoman pa kan mga otoridad na posibleng maglangkaw pa an numero kan mga binawian nin buhay huli sa malalang danyos na nasapo kan mga biktima sa lugar.
Nagluwas na man nin evacuation order an Israel Defense Forces sa mga residente kan Haret Hreik sa southern Beirut.
Sigun sa Israel military na sa mga masunod na aldaw sainda man na kukubkubon an mga lugar orog na sa mga pasilidad na pinapadalagan kan Hezbollah.
Enot na man na sinaysay ni Israel Prime Minister Benjamin Netanyahu na dai sinda ma-untok sa pag-atake sa kuta kan mga Hezbollah sa Lebanon komo pagbalos sa piggibo kaini sainda.
