Nag-anunsyo an Professional Regulation Commission (PRC) na 1,954 sa total na 18,370 na nagkua kan Marso 2026 Physicians Licensure Examination an nakapasar.
Segun sa PRC, ipinaluwas an resulta apat na aldaw makalihis na gibohon an exam sa manlaen-laen na testing centers sa nasyon.
Sa bagay na ini, lima pang mga examiness an naghahalat pa kan “final determination of their liabilities under the rules and regulations governing licensure examination,” mantang an saro naghahalat nin dugang pang beripikasyon.
Dae man pigpaluwas kan PRC an pangaran, score, asin school kan topnotcher huli ta hinahalat pa an resulta.
Si Alexis Bernardo Temblique hale sa Cagayan State University-Tuguegarao an ikaduwa sa mga top examinees na may score na 90.58%, sinundan ni Enrico Jose Pacatang Gomez kan De La Salle Medical and Health Sciences Institute na may score na 89.92%.
Sa mga eskwelahan, an Far Eastern University – Dr. Nicanor Reyes Medical Foundation sa kategorya na may sobra sa 100 examinees, na may passing rate na 94.83%.
Mientrastanto, sa kategorya na may 50–99 examinees, nangenot an Davao Medical School Foundation na may 87.80% passing rate.
Uya an bilog na listahan kan mga nakapasar na makukua sa mga link kan PRC:
Top examinees: https://drive.google.com/file/d/1oOzacOi0vpL6xxMg94I8BBwFQEv79rTm
Full list of successful examinees: https://drive.google.com/file/d/1swZ79RT6qKDKCBQQXwnINnjQVX7NVtHP/view
