GADAN an duwang aki makalihis na sinda pagbabadilon sa sarong Catholic School sa Minneapolis.
Nangyari an insidente mantang pigsasagibo an misa sa Annunciation Catholic School kun saen pigharangan kan suspek na si Robin Westman an duwang pintuan kan eskwelahan asin mayong habas na ini manbadil.
Maabot man sa 17 katawo na kadaklan, aki an irido asin dinara na an mga ini sa ospital.An mga nagadan an biktima, an nasa edad anom asin 8-anyos.
Makalihis an nagkapirang minuto, nahiling kan mga otoridad sa bisinidad kan eskwelahan an mayo ng buhay na suspek.
Nagtutubod an mga otoridad na naiplanong marhay kan suspek an pambabadil asin pinag-aadalan an mga aktibidad sa eskwelahan.
Huli sa insidente, sinugo ni US President Donald Trump na ibugtak sa half-staff an watawat kan America na nakabugtak sa mga opisina kan gobyerno hasta sa aldaw nin domingo.Labi man an kamunduan ni Pope Leo XIV kan maaraman an pangyayari.
Sigun ki Vatican Secretary of State Pietro Parolin, na ipinapaabot kaini an saiyang pakikidumamay sa mga kaparientes kan biktima.
Ipinangadyi man kaini an mga biktima siring man an mga first responders asin alagad kan simbahan sa nasambitan ng eskwelahan.
