2 estudyante, nakuanan nin marijuana sa laog nin eskwelahan sa Naga City

NAGA CITY- Nakumpiskar sa duwang estudyante an mga iligal na droga mantang yaon sa laog kan sarong eskweklahan sa ciudad nin Naga.

Sa nagunong impormasyon kan Bombo Radyo Naga, ipinaabot suboot kan sarong estudyante sa guidance counsellor kan nasamabitang eskwelahan na igwang darang iligal na droga an 17-anyos asin 15-anyos na mga menor de edad.

Katakod kaini, ipinaabot kan guidance counsellor sa saiyang opisina an nasambitang mga estudyante.

Nakumpiskar sa mga ini an mga alang na dahon nin marijuana na nakapatos sa papel.

Tulos man na pig-turn over sa kostudiya kan City Social Welfare and Development (CSWD) an nasambitang mga menor de edad na estudyante para sa maninigong disposisyon.